-Тэрээр мансууруулах өвс түүж оруулсан хэргээр ЧД-ийн Цагдаагийн хэлтэст шалгагдаж байна-
Арваад жилийн өмнө Төв цэнгэлдэхэд болсон дуучин Ариунаагийн тоглолтон дээр арав хүрэхгүй насны жаахан хүү үглэж дуулан бүжиглэж, хип хопын урлагаар гайхуулан, үзэгчдийн өхөөрдлийг төрүүлж байсныг олон санаж байгаа байх. Монголд хөгжиж эхэлж байсан хип хоп урлагийн магад анхны гишүүдийн нэг гэж хэлж ч болох энэ жаахан хүү өнөөдөр 17-18 нас хүрч хип хопыг сонсдог, даган дуурайдаг олон олон залуусын шүтээн бүхий дуучин болчихсон явж байх аж. Уг нь Дижитал хамтлагийн гишүүн ч сүүлийн үед бие даан уран бүтээл хийгээд байгаа Бобидиг танихгүй хүн ч ховор. Үнэндээ монголын хүүхэд залуусын хамгийн ихээр сонирхдог энэ урсгалын төлөөлөгчид гэвэл “Люмино”, “Дижитал”, “Мон та pen”, “Татар”, “Ise top” гээд зогсох. Гэтэл өсвөр үеийнхний үлгэрлэн дуурайдаг эдгээр хамтлагуудын гишүүдийн ихэнх нь хар тамхины хэрэгт орооцолдон зарим нь бүр хийсэн хэрэгтэй тохирох ял шийтгэлийг дийлээд гарч ирсэн. Хэсэг хугацаагаар нийгмээс ангид Бид гаргасан алдаагаа ухарлаа. Хийсэн хэрэгтээ гэмшиж байна. Залуустаа хар тамхины хор хөнөөлийн тухай сурталчилж үүнтэй тэмцэнэ” хэмээн том том дуугарсан хип хопчид төдийлөн хэлсэн үгэндээ хүрэхгүй байгаа бололтой. Үүний наад захын жишээ нь гадаадаас их хэмжээний “Гашиш” хэмээх хар тамхины хольц бүхий ургамал оруулж ирсэн гэгдэн нэг хэсэг шүүх цагдаагийн’ хаалга татаад байсан Дижитал хамтлагийн хамгийн залуу гишүүн Бобиди нэгэн найзтайгаа Дарханаас хар тамхины ургамал түүж оруулж ирсэн хэрэгээр өдгөй, чингэлтэй дүүргийн Цагдаагийн хэлтэст шалгагдаж байгаа аж. Хамтлагийн ах нарынх нь хэрэг эцэслэн шийдэгдээгүй байхад дахиад л тэдэнтэй холбоотой хар тамхины хэрэг мандсан нь хэсэгтээ намжаад байсан хар тамхины хэргийг дахин хөөрөгдөх нь бололтой. Насанд хүрээгүй Бобидигийн хийсэн энэ хэргийн цаана захиалагч байгаа гэж үзсэн цагдаагийнхан хэргийг ихэд нягтлан шалгаж байгаа гэсэн. Зарим нь тэнсэн харгалзах ял авч, зарим нь хэдхэн сарын ял эдлээд гарч ирсэн хип хопчдод магад оноосон ял нь хөнгөдсөн байж болох. Эндээс харахад гадныхныг хэтэрхий шүтэн, сайнаасаа саарыг нь даган дуурайдаг манай урлагийнхан хар тамхины армиас тийм ч амар хасагдахгүй бололтой.